Prezident İlham Əliyevin rəhbərliyi altında Azərbaycanın nüfuzu dünyada daha da artmaqdadır
Bu gün müstəqil Azərbaycan Respublikası öz iqtisadi göstəricilərinə və siyasi nüfuzuna görə dünya dövlətləri içərisində ön sıralarda yer alır. Ölkəmizin yüksək beynəlxalq imicinin formalaşması , dünya miqyasında nüfuzunun gündən- günə artması Prezident cənab İlham Əliyevin siyasi səriştəsi, şəxsi nüfuzu və yüksək idarəçilik qabiliyyəti sayəsində mümkün olmuşdur.
Təsadüfi deyildir ki, Azərbaycan 2011-ci ildə Qoşulmama Hərəkatına tam hüquqlu üzv qəbul olunmuşdur. Hərəkata üzv ölkələrin 2016-cı ildə Venesuelada keşirilmiş zirvə görüşündə 2019-2022-ci illər ərzində təşkilata sədrliyin Azərbaycana həvalə edilməsi barədə yekdil qərar qəbul olunmuşdur.
BMT-nin Baş Assambleyasından sonradünyada ikinci ən böyük beynəlxalq təşkilat olan və 120-dən çox dövlətin təmsil olunduğu Qoşulmama Hərəkatına üzvlükdən qısa müddət sonra ölkəmizin həmin qruma sədrlik etməsi üzv dövlətlərin Azərbaycana olan etimadının və ölkəmizin beynəlxalq nüfuzunun artmasının , eləcə də Azərbaycanın qlobal səylərinin beynəlxalq ictimaiyyət tərəfindən dəstəklənməsinin əyani təzahürüdür.
Son dövrlər dünyanı bürüyən koronavirus pandemiyası ilə mübarizə tədbirləri çərçivəsində Prezident cənab İlham Əliyev tərəfindən infeksiyanın respublikamızda yayılmasının qarşısının alınması istiqamətində vaxtında və düzgün qərarlar qəbul olunması, əhalinin sağlamlığının qorunması istiqamətində qabaqlayıcı tədbirlər görülməsi ölkəmizin bu epidemiyadan minimum az itkilərlə çıxmasını təmin etmişdir. Eyni zamanda dövlətimiz dünya birliyinin məsuliyyətli və etibarlı üzvü kimi koronavirus təhkükəsinin ilk günlərindən etibarən qlobal həmrəylik çağırışlarına dəstək vermişdir.
Azərbaycan Respublikası Prezidenti, Türkdilli Dövlətlərin Əməkdaşlıq Şurasının sədri İlham Əliyevin təşəbbüsü ilə aprel ayının 10-da keçirilmiş Türk Şurasının Zirvə görüşündə cənab Prezident haqlı olaraq vurğuladı ki, “pandemiyanın ilk günlərindən etibarən bəzi ölkələr və beynəlxalq təşkilatların koronavirus qarşısında aciz qalmasının , özünə qapanma yolunu seçməsinin şahidi olduq”. Belə bir təhlükənin hər kəsin qapısını döydüyü və multilaterializmin demək olar ki, can verdiyi şəraitdə belə, Prezident İlham Əliyev nümunəvi addım ataraq pandemiyaya yalnız qlobal əməkdaşlıq və həmrəylik sayəsində qalib gəlməyin mümkünlüyünü dünyaya nümayiş etdirdi. Belə ki, Azərbaycan koronavirusa qarşı qlobal mübarizəyə dəstək olaraq Ümumdünya Səhiyyə Təşkilatına könüllü maliyyə yardımı ayırmışdır. Eyni zamanda əlavə olaraq ÜST-ə bir daha könüllü maliyyə töhfəsi ayrılacaqdır ki, bu dəstək zəruri ehtiyacların qarşılanması üçün koronavirusdan ən çox zərər çəkmiş Hərəkat üzvlərinə yönəldiləcəkdir. Azərbaycan tərəfindən bir sıra ölkələrə də ikitərəfli əməkdaşlıq çərçivəsində yardım həyata keçirilmiş və keçirilməkdədir. Təsadüfi deyildir ki, ÜST tərəfindən Azərbaycan pandemiyaya qarşı görülmüş tədbirlərə görə nümunəvi ölkə kimi dəyərləndirilmişdir. Eləcə də effektiv nəticələrə görə Azərbaycanda koronavirusa qarşı aparılan mübarizə beynəlxalq səviyyədə təqdir olunur. Azərbaycan Prezidentinin pandemiya ilə əlaqədar tətbiq olunmuş karantin dövründə respublikanın sosial–iqtisadi sferasında yarana biləcək iqtisadi durğunluğun aradan qaldırılması, aztəminatlı ailələrin sosial vəziyyətlərinin yaxşılaşdırılması və s. ilə bağlı verdiyi çoxsaylı qərarları xalq tərəfindən məmnunluq hissi ilə qarşılanır, eyni zamanda beynəlxalq qrumlar, konkret olaraq Avropa Yenidənqurma və İnkişaf Bankı tərəfindən təqdir olunur.
Avropa İttifaqının rəsmisinin Zirvə görüşündə iştirakı və çixişi Qoşulmama Hərəkatının tarixində ilk dəfə baş vermiş hadisədir. Xüsusi olaraq vurğulanmalıdır ki, məhz Prezident cənab İlham Əliyevin səyləri ilə daim bir-biri ilə əks qütblərdə olan Qoşulmama Hərəkatı ilə Avropa İttifaqını koronavirus təhlükəsi zamanı bir araya gətirmək mümkün olmuşdur.
Sadalanan faktlar bir daha onu göstərir ki, koronovirus pandemiyası bütün dünyanı cənginə aldığı, dünyanın ən inkişaf etmiş dövlətlərinin belə bu bəla qarşısında aciz qaldığı bir dövrdə belə Azərbaycan Prezident cənab İlham Əliyevin rəhbərliyi altında dünyada öz nüfuzunu daha da artırmaqdadır. Sözsüz ki, bütün bunlar Prezident cənab İlham Əliyevin gecəli-gündüzlü gərgin əməyinin, apardığı düzgün daxili və xarici siyasətin nəticəsində qazanılmışdır.
Bütün bunlarla yanaşı Azərbaycan Respublikasının Prezidenti tərəfindən 2018-ci ildə başlanılmış dövlət idarəçiliyinin bütün istiqamətlərini əhatə edən hüquqi , institusional və kadr islahatları 2019-cu ilin sonlarına doğru daha geniş vüsət almış, həmin tədbirlər 2020-ci ildə daha intensiv şəkildə davam etdirilməkdədir. Aparılan ciddi kadr islahatlarının nəticəsidir ki, peşəkarlıq səviyyəsi daha da yüksəldilmiş Azərbaycan Respublikasının Dövlət Təhlükəsizliyi Xidməti tərəfindən dövlətimizin qazandığı uğurlara kölgə salmağa çalışan bəzi məmurların qanundankənar əməlləri ifşa olunmuş, onların cinayət məsuliyyətinə cəlb edilərək həbs edilməsi təmin edilmişdir.
Bu gün müstəqil Azərbaycan dövlətində vəzifəsindən tutduğu mövqeyindən asılı olamayaraq heç bir dövlət məmurunun xəyanət yolunu seşməsi həm hüquqi, həm də mənəvi baxımdan bağışlanmazdır və onlara qarşı qanunun ən sərt formada tətbiqi mütləqdir.
Zülfüqar Əliyev.
Rayon Ağsaqqallar Şürasının sədri
