Xəbərlər

Ünvan: Azərbaycan Respublikası, Füzuli rayonu
Faks: (+994 26 31) 55-1-74
E-mail: mail@fuzuli-ih.gov.az

YADDAŞLARDA YAŞAYAN LİDER
2020-05-22
Füzuli Rayon İcra Hakimiyyəti və Rayon Təhsil Şöbəsinin birgə təşəbbüsü ilə rayon məktəbliləri arasında Ulu Öndər Heydər Əliyevin anadan olmasının 97-ci ildönümünə həsr olunmuş “ Yaddaşlarda yaşayan Lider ” mövzusunda onlayn inşa- yazı müsabiqəsinə yekun vurulub. Müsabiqəyə IX- XI sinif şagirdləri olmaqla 45 məktəbli qatılıb. Onlayn formatda keçirilən müsabiqənin qalibləri artıq müəyyənləşdirilib. Füzuli rayonu Allahyar Əliyev adına Böyük Bəhmənli kənd 2№ li tam orta məktəbin X sinif şagirdi Ələkbərova Təranə Suliddin qızı, Ramil Əkbərov adına Kürdmahmudlu kənd tam orta məktəbin IX sinif şagirdi Abdullazadə Turanə Cəmiyyət qızı, Araz Dilağarda kənd tam orta məktəbin XI sinif şagirdi Səfərova Aysun Fərman qızı məktəblilər arasında qalib elan edildilər. Qaliblərə rayon rəhbərliyi tərəfindən Fəxri fərmanlar təqdim olundu.
Dövlətə güvən, güzəştlərdən yararlan.
2020-05-22
Dövlətə güvən, güzəştlərdən yararlan. Son illər ölkə iqtisadiyyatının dinamik inkişafının təmin olunması işləri ilə paralel olaraq, iqtisadi fəaliyyətin və gəlirlərin tam şəffaflaşdırılması istiqamətində ardıcıl olaraq islahatlar həyata keçirilmişdir. Bu islahatlar “kölgə” iqtisadiyyatının miqyasının əhəmiyyətli dərəcədə kiçilməsinə və rəqabət mühitinin daha da yaxşılaşmasına mühüm əsaslar yaratmışdır. Dövlət tərəfindən təkmil nəzarət və təşviqyönümlü mexanizmlərin geniş tətbiqi nəticəsində iqtisadi fəaliyyət sahələrində şəffaflığın ciddi şəkildə artmasına nail olunmuşdur. Bununla da dövlət-biznes münasibətləri daha sağlam əsaslar üzərində qurulmuş, bütün sahələrdə maliyyə intizamı yaxşılaşmışdır. Statistik məlumatlara görə, 2020-ci ilin I rübündə dövlət büdcəsinə qeyri-neft sektoru üzrə daxilolmalar 21.3% artaraq 1.4 mlrd. manatı üstələmişdir. Buna paralel olaraq əmək haqqı fondu da ağarmışdır. 2019-cu ildə əmək müqavilələrinin sayı 153 min artmış, o cümlədən bu artımın 99 mini özəl sektorun payına düşmüşdür. Ümumilikdə son 5 rüb, yəni 2019-cu il və cari ilin birinci rübü ərzində əmək müqavilələrinin sayı 172 mindən çox artmışdır. Azərbaycan Respublikasının Prezidenti cənab İlham Əliyevin tapşırığı ilə Nazirlər Kabinetinin təsdiq etdiyi və pandemiyanın iqtisadiyyata, sosial rifaha və məşğulluğa mənfi təsirlərinin azaldılmasına xidmət edən Tədbirlər Planının mühüm bir istiqaməti də iş yerlərinin və işçilərin əməkhaqlarının qorunması, əhalinin məşğulluq imkanlarının artırılmasına yönəlib. Pandemiya dövründə dövlət və özəl sektorda işçilərin əsassız yerə işdən çıxarılmaması, ixtisarına yol verilməməsi və məzuniyyətə buraxılan işçilərin əməkhaqlarının saxlanması istiqamətində məqsədyönlü işlər aparıldı. Nəticədə mövcud iş yerləri nəinki qorundu, həmçinin “Əmək müqaviləsi bildirişi” altsistemindən mayın 1-də əldə olunan məlumata əsasən, 2020-ci ilin əvvəlindən əmək müqavilələrinin sayında 105 min nəfərlik (o cümlədən özəl sektorda 94 minə yaxın) artım oldu. Beləliklə pandemiya dövründə muzdla işləyən 1 milyon 660 min şəxsin məşğulluğu təmin edildi və onlar işsizlik riskindən qorundu. Şəffaf fəaliyyət iş yerlərinin qorunmasını və dövlətin bütün güzəştlərinə tam çıxış imkanlarını təmin etdi. Dövlət tərəfindən iqtisadi sahələrə və əhaliyə nəzərdə tutulan güzəştlər təbii olaraq öz dövriyyəsini ağartmış subyektləri əhatə edir. Koronavirus pandemiyası dövründə hazırlanan Tədbirlər planı buna mühüm nümunə ola bilər. Tədbirlər planında Azərbaycan Respublikası Prezidentinin Sərəncamı ilə zərər çəkən sahələrdə iqtisadi aktivliyin dəstəklənməsinə 900 mln.manat birbaşa kompensasiya ödənişi ayrılmışdır. Bu çərçivədə muzdlu işçilərin iş yerləri qorunmuş, zərər çəkən sahibkarlara maliyyə dəstəyi göstərilmiş, onlara geniş vergi güzəştləri verilmiş, fəaliyyət sahələrinə ayrılan 1.5 mlrd.manat bank kreditlərinə dövlət zəmanəti verilmiş və faizləri subsidiya edilmişdir.
Könüllülər “ Könüllü Donor ” aksiyasının fəal iştirakçısıdırlar
2020-05-21
Könüllülər “ Könüllü Donor ” aksiyasının fəal iştirakçısıdırlar Bu gün müstəqil Azərbaycan dövlətinin apardığı uğurlu siyasətin əsas istiqamətlərindən birini də əhalinin sağlamlığının təminatı və bu sahədə həyata keçirilən tədbirlər təşkil edir. Yeni-yeni tibb müəssisələrinin açılması, müasir tipli tibbi avadanlıqlarla təmin olunması, həkimlərin maddi rifahının yüksəldilməsi istiqamətində mühüm addımlar atılması bunu bir daha sübut edir. Pandemiya ilə mübarizə tədbirləri zamanı əhalinin sağlamlığını, təhlükəsizliyini, sosial müdafiəsini əsas fəaliyyət meyarı olaraq qəbul edən dövlət başçısı cənab İlham Əliyevin və Birinci vitse-prezident Mehriban xanım Əliyevanın çağırışlarına cavab olaraq yaranmış AKƏM gənclərin müxtəlif sosial, humanitar aksiyalarda iştirakının əsas təşkilatçısıdır. AKƏM çərçivəsində həyata keçirilən layihələrdən biri də ölkədə qan qıtlığı səbəbindən talassemiya və hemofiliya xəstəliyindən əziyyət çəkən, təcili əməliyyata və bununla əlaqədar qana ehtiyacı olan şəxslərin həyatı üçün yaranan təhlükənin aradan qaldırılmasında könüllülərin iştirakı ilə bağlı olmuşdur. 8 aprel tarixində Azərbaycan Könüllülərinin Əlaqələndirmə Mərkəzi Milli Hematologiya və Transfuziologiya Mərkəzi – Qan Bankı ilə birlikdə “Könüllü Donor” aksiyasına start vermişdir. Bu nəcib aksiya çərçivəsində könüllülər, Qan Bankının paytaxtda və regionlarda yerləşən bölmələrində qanvermə aksiyasında fəal iştirak etmişlər. Könüllülüyün həqiqətən də könül işi olduğunu sübut edən gənclərin fəaliyyəti bununla yekunlaşmır. Onlar əhali arasında pandemiya ilə bağlı maarifləndirmə işlərinin aparılması, küçədə maskasız gəzən şəxslərə tibbi maskaların paylanması, həmçinin günümüzün görünməyən qəhrəmanları olan polis və tibb işçilərinə könüllülər adından təşəkkür mesajlarının çatdırılmasında da böyük həvəslə iştirak edirlər. Biz gənclərə könüllü fəaliyyət göstərməyimiz, dövlətimizin apardığı siyasətin bir parçasına çevrilməyimiz imkanı yaratdıqları üçün ölkə başçımız cənab İlham Əliyevə və Birinci vitse-prezident Mehriban xanım Əliyevaya öz dərin minnətdarlığımızı bildiririk. Yunisli Nicat -- gənc könüllü.
Pandemiya ilə mübarizə tədbirləri çərçivəsində Azərbaycan Könüllülərinin Əlaqələndirmə Mərkəzi (AKƏM) çətiri altında könüllülərin müxtəlif aksiyalarda iştirakı təmin olunmuşdur.
2020-05-20
Pandemiya ilə mübarizə tədbirləri çərçivəsində Azərbaycan Könüllülərinin Əlaqələndirmə Mərkəzi (AKƏM) çətiri altında könüllülərin müxtəlif aksiyalarda iştirakı təmin olunmuşdur.
Azərbaycan Könüllürin Əlaqələndirmə Mərkəzi Azərbaycan Respublikasının Prezidenti cənab İlham Əliyevin və Birinci vitse-prezident Mehriban xanım Əliyevanın çağırışlarına cavab olaraq yaradılmış bir təşkilatdır.
2020-05-19
Azərbaycan Könüllülərinin Əlaqələndirmə Mərkəzi Azərbaycan Respublikasının Prezidenti cənab İlham Əliyevin və Birinci vitse- prezident Mehriban xanım Əliyevanın çağırışlarına cavab olaraq yaradılmış bir təşkilatdır. Əsası Ulu Öndər Heydər Əliyev tərəfindən qoyulan gənclər siyasəti bu gün ölkəmizdə uğurla davam etdirilməkdədir. Dövlət başçımız cənab İlham Əliyev tərəfindən 30 dekabr 2019-cu il tarixli sərəncam ilə 2020-ci ilin “Könüllülər İli” elan edilməsi Azərbaycan gəncliyinə olan diqqətin, qayğının və gəncliyimizə göstərilən etimadın nəticəsidir. Azərbaycan Respublikasının Prezidenti İlham Əliyevin və Birinci vitse-prezident Mehriban xanım Əliyevanın çağırışlarına cavab olaraq, Azərbaycanda fəaliyyət göstərən könüllü təşkilatları və hərəkatları tərəfindən yaradılmış Azərbaycan Könüllülərinin Əlaqələndirmə Mərkəzi (AKƏM) öz fəaliyyətini davam etdirməkdədir. Yeni növ koronovirus infeksiyasının yarada biləcəyi təhlükə ilə mübarizədə dövlət tərəfindən həyata keçirilən tədbirlərin dəstəklənməsi məqsədilə 27 mart 2020-ci il tarixində formalaşan və fəaliyyətində “ASAN Könüllüləri” Gənclər Təşkilatı, “Regional İnkişaf” İctimai Birliyi, “BİR Tələbə-Könüllü” Proqramı, “Könüllü DOST” Proqramı, “Aqrar İnkişaf Könüllüləri” İctimai Birliyi, “Nəqliyyat Könüllüləri” Proqramı, Bakı Şəhər Halqası Könüllüləri, “Miqrasiya Könüllüsü” İctimai Birliyi, “Könüllü gömrükçü” Dəstəsi, “Turizm Könüllüləri” İctimai Birliyi, “Diplomatiya Könüllüləri” Qrupu, “Ekokönüllüləri” Qrupu, “Azərbaycan Diaspor Könüllüləri” Proqramı, “SƏLİS Könüllüləri” İctimai Birliyi, “Azərbaycan İdman Könüllüləri” İctimai Birliyi, “AFFA və Avro-2020” Könüllülər Proqramı və “Gənc Könüllülər” Hərəkatı Mərkəzi və digər təşkilat və hərəkatların iştirak etdiyi Mərkəzin işinin əlaqələndirilməsi AR Gənclər Fondu tərəfindən həyata keçirilir. Biz də öz növbəmizdə Azərbaycan gənci olaraq dövlətimizin apardığı siyasətin bir parçasına çevrildiyimiz, könüllü hərəkatının iştirakçısı olaraq gücümüzü, potensialımızı gerçəkləşdirdiyimiz üçün böyük fəxr və qürur duyuruq. Bu fəxri, bu qüruru bizlərə bəxş etdiklərinə görə Prezidentimiz cənab İlham Əliyevə və Birinci vitse-prezident Mehriban xanım Əliyevaya bütün könüllü gənclər adından dərin minnətdarlığımızı bildiririk.
Prezident İlham Əliyevin rəhbərliyi altında Azərbaycanın nüfuzu dünyada daha da artmaqdadır
2020-05-12
Prezident İlham Əliyevin rəhbərliyi altında Azərbaycanın nüfuzu dünyada daha da artmaqdadır
RİH başçısı Alı Alıyev icra nümayəndələri və bələdiyyə sədrləri ilə onlayn müşavirə keçirdi
2020-05-05
Füzuli rayon İcra Hakimiyyətinin başçısı Alı Alıyev yerli icra nümayəndələri və bələdiyyə sədrləri ilə onlayn videomüşavirə keçirib Müşavirədə koronavirus (COVID-19) infeksiyası ilə bağlı rayonda vəziyyət və görülən işlər müzakirə edilib. RİH başçısı bildirib ki, Nazirlər Kabineti yanına Operativ Qərargahın yeni qaydalarına əsasən ümumi karantin rejimi müddəti 31 may 2020-ci ilə qədər uzadılır. Eyni zamanda Bakı, Sumqayıt, Gəncə, Lənkəran şəhərləri və Abşeron rayonu istisna olmaqla respublikanın digər rayon və şəhərlərində tətbiq edilən bir sıra məhdudiyyətlərin yumşaldılmasına dair qərar verilib. Bununla yanaşı, məhdudiyyətlərin yumşaldılması ilə eyni zamanda koronovirusla mübarizə tədbirləri, dezinfeksiya işləri daim davam etdirilməlidir. Restoran, kafe və çay evlərində müştərilərə yerində xidmətlər bərpa olunsa da, müəyyən olunmuş qaydalara və sanitar gigiyeniq normalara əməl olunmalıdır. Toy və çox sayda insanın iştirakı ilə yas mərasimlərinin keçirilməsi qadağandır. Parklarda və ictimai iaşə obyektlərində insanların 10 nəfərdən artıq qruplarda cəmlənməsi qadağandır. İcra başçısı bildirib ki, bəzi rayonlarda məsul şəxslər vəzifə saxtakarlığına yol verərək, arayışlara bilə-bilə yalan məlumatlar daxil edib, ayrı-ayrı şəxslərin xüsusi karantin rejimi qaydalarına zidd olaraq rayon ərazisini tərk etməsinə şərait yaratdıqlarına görə vəzifələrindən azad edilib, haqlarında cinayət işi açılıb. Bununla əlaqədar bir daha icra nümayəndələri və bələdiyyə sədrlərinə tapşırılıb ki, belə hallara yol verən şəxslər kimliyindən asılı olmayaraq vəzifəsindən azad edilərək, cinayət məsuliyyətinə cəlb ediləcək.
RİH başçısı tərəfindən ehtiyacı olan ailələrə ərzaq yardımı edilir.
2020-04-13
Füzuli Rayon İcra Hakimiyyəti tərəfindən rayonun müxtəlif yaşayış məntəqələrində tənha yaşayan, yaşı 65-dən yuxarı olan vətəndaşların siyahısı hazırlanıb, onlara vaxtaşırı olaraq ərzaq yardımı verilir və digər köməklik göstərilir. Həftə sonu Füzuli rayon İcra Hakimiyyətinin başçısı Alı Alıyev 1,3,4 saylı Qayıdış qəsəbələrində olub, həmin yaşayış məntəqələrində yaşayan yaşı 65-dən yuxarı olan şəxslərə, o cümlədən imtiyazlı və aztəminatlı ailələrə baş çəkərək onlara ərzaq bağlamaları və tibbi ləvazimatlar çatdırıb. RİH başçısı insanlara karantin rejiminin tələblərinə ciddi riayət etmələrini, özlərinin və ailələrinin sağlamlığı üçün evdə qalmalarını tövsiyyə edib. Koronovirus epidemiyasının geniş yayılmasının qarşısının alınması məqsədilə Rayon İcra Hakimiyyətinin, inzibati ərazi dairələri üzrə nümayəndəliklərin, bələdiyyələrin əməkdaşlarından və yerli könüllülərdən təşkil olunan mobil qrupların fəaliyyəti daha da gücləndirilib. Rayonun bütün yaşayış məntəqələrində koronovirus infeksiyasına qarşı mütəmadi dezinfeksiya işləri aparılır, virusdan müdafiə olunmaq qaydalarını özündə əks etdirən xüsusi elanlar ailələrə çatdırılır, xüsusi səs gücləndiricilər vasitəsilə insanlara zərurət olmadıqca çölə çıxmamaları, şəxsi gigiyena qaydalarına ciddi riayət etmələri izah edilir.
RİH başçısı tərəfindən yaşı 65-dən çox olan və tənha yaşayan rayon sakinlərinə ərzaq yardımı edilmişdir.
2020-04-08
Füzuli Rayon İcra Hakimiyyətinin başçısı yaşı 65-dən çox olan və tənha yaşayan rayon sakinlərinin evlərinə baş çəkərək onların əhvalları ilə maraqlanıb, ərzaq yardımı ilə köməklik göstərmişdir. Növbəti günlərdə də bu yardımların davam etdirilməsi nəzərdə tutulmuşdur.
Rayon ərazisində sanitar-dezinfeksiya tədbirləri davam etdirilir.
2020-03-26
Azərbaycan Respublikasının Prezidenti cənab İlham Əliyevin tapşırıqlarına əsasən Füzuli rayonundada koronavirus infeksiyasının (COVİD-19) yayılmasının qarşısının alınması məqsədilə genişmiqyaslı tədbirlər həyata keçirilir.
"Xocalı soyqırımı"nın 28-ci il dönümü qeyd olundu
2020-02-26
"Xocalı soqırımı"nın 28-ci il dönümü ilə əlaqədar tədbir keçirildi. Tədbirdə rayon rəhbərliyi, hüquq mühafizə orqanları, ərazidə xidmət edən hərbi qulluqçular, Şəhid ailələri, müharibə əlilləri və rayon ictimaiyyətinin nümayəndələri iştirak etdi. Tədbir Horadiz şəhərində "Xocalı soyqırım" abidəsinin qarşısında keçirildi.
Səyyar qəbul keçirildi
2020-02-25
Rayon İcra Hakimiyyətinin başçısı Alı Alıyevin növbəti səyyar qəbulu Alıxanlı kəndində keçirildi. Qəbul zamanı müraciət edən şəxslər dinlənildi və aidiyyəti üzrə tapşırıqlar verildi
Hesabat yığıncağı keçirildi
2020-02-20
Füzuli rayonunun 2019-cu ildə sosial-iqtisadi inkişafın yekunlarına və 2020-ci ildə qarşıda duran vəzifələrə həsr olunmuş hesabat yığıncağı keçirildi. Hesabat yığıncağında Azərbaycan Respublikasının Prezidenti Administrasiyasının məsul işçisi Əflatun Rufiyev, rayon rəhbərliyi, hüquq mühafizə orqanları, aidiyyəti təşkilatlar və rayon ictimaiyyətinin nümayəndələri iştirak etdi.
Rayon sakinlərinin diqqətinə
2020-02-14
Son illər informasiya mübadiləsinin tempinin artması dünyada və o cümlədən, Respublikamızda baş verən hadisələrin haqqında məlumatların əldə edilməsi, paylaşılması auditoriyasını xeyli genişləndirmişdir. Baş verən hər hansı qəza, təbii fəlakət kimi hadisələr də siyasi məlumatlar kimi anında ötürülür, yayılır. Bu səbəbdən də bəzən sanki bu və ya digər hadisələrin intensivləşməsi əvvəlki illərə nəzərən çox dəfə artması kimi qəbul olunur. Fövqəladə Hallar Nazirliyinin Dövlət Yanğın Nəzarəti Xidməti apardığı statistikalarda yanğın hadisələrinin sayının, bu hadisələrdəki insan tələfatının, dəyən maddi ziyanların uçotunda heç də göstəricilərin pisləşməsinin şahidi olmur. Sanki hər sahədə bədbəxt hadisələrin, arzuolunmaz halların sayının artması görüntüsü məhz internetin inkişafı, məlumatlar mübalidəsinin sürətlənməsi, cəmiyyət üzvlərinin həssaslığının artması ilə əlaqədardır. Narahat doğurucu hadisələrdən biri də dəm qazından zəhərlənmələrin və bunun nəticəsində ölüm hadisələrinin sayının çoxalmasıdır. Bir nəfər belə Azərbaycan vətəndaşının yaxud Azərbaycan Respublikası ərazisində dəm qazından zəhərlənərək ölən əcnəbinin olması faktı özü-özlüyündə bir faciədir. Dəm qazı ən sadə başa düşüləcək dildə təbii qazın və digər yanacaq növlərinin (odun, kömür və s.) natamam yanması səbəbindən ayrılmış qarışıqlı qazın tənəffüs orqanlarına düşməsindən zəhərlənməyə və ölümə səbəb olur. Bəs tam yanmamaya səbəb nədir, ayrılan qarışıq zəhərləyici qaz kütləsi niyə yanma mənbəyindən xüsusi quraşdırılmış şaxta boru ilə kənarlaşdırıla bilmir?! Doğurdanmı, dəm qazından tam müdafiə olunmaq mümkün deyil?! Dövlət Yanğın Nəzarəti Xidməti olaraq, birmənalı aşağıdakı tövsiyələrə əməl olunarsa, bu öldürücü qazdan qorunmaq mümkündür deyirik: · Heç bir halda qeyri-standart işlədicilərdən istifadə olunmamalıdır; · Standart işlədicilərin iş prinsiplərinə əməl olunmalı, onların funksional quruluşuna müdaxilə edilməməlidir; · Hər hansı nasazlıq aşkarlanarsa, ixtisaslaşdırılmış müəssisəyə, professional ustaya müraciət olunmalıdır; · Su qızdırıcıları – binaların qızdırılması üçün istifadə olunan Rusiya, İran, Avropa istehsalı olan, xalq arasında “pyatiminutka”, “kolonka”, “kombi”, “ariston” və sairə kimi adlandırılan hər bir qızdırıcı aparatın qazla təminatı sertifikata uyğun boru ilə təmin olunmalı, yanmış qazların çıxışı sərbəst, standart, tələb olunan ölçülərə müvafiq qaydada qurulmalı – montaj olunmalıdır; · İşlənmiş qazların kənarlaşdırılması üçün nəzərdə tutulan şaxta – baca sistemləri mütəmadi qaydada qurum, kənar predmet və sairdən təmizlənməlidir, axarlılığı tutacaq kənar əşya, hər hansı səbəb yolverilməzdir; · Heç bir halda qaz işlədicisi bilavasitə duşun qəbul edildiyi otağa qoyulmamalıdır, qaz işlədicisi açıq məkanda qoyulmalıdır, duş və işlədicinin bir məkanda olması yolverilməzdir! Əgər bu vacib tələbi pozmusunuzsa, əməl edə bilməmisinizsə, duş olan otaqda hökmən nəfəslik – kiçik ölçülü pəncərə, otağın qapısında isə kiçik diametrli dəliklər olmalıdır. Nəfəslik vardır və qapalıdırsa, bunun Sizin təhlükəsiz duş qəbulunuza faydası olmayacaq, nəfəslik açıq olmalıdır ki, dəm qazı ayrılması varsa, o qazlar hermetik qapalı mühitdə çox toplanıb ölüm gətirəcək həddə çata bilməsin, nəfəslik açıq olmalıdır; · Fərdi qaydada su qızdırıcısı ilə təmin olunan ev və mənzillərdə şəxsin evdə tək olması zamanı duş qəbul etməsi tövsiyə olunmur, çünki, dəm qazından zəhərlənmə baş verəcəyi halda zərərçəkənin xilas olması üçün kənar şəxsin və ya şəxslərin köməyi zəruridir. Daha konkret desək, evdə, mənzildə təksinizsə, duş qəbulundan vaz keçin, bunu evdə kiminsə olacağı vaxta salın; · Evdə iki nəfərsinizsə, birinin duş qəbuluna ikincinin köməyi qaçılmazdırsa, hər ikisinin eyni vaxtda duş qəbulu otağında olması da yolverilməz hal hesab olunur, belə situasiyalarda da duşdan kənar şəxsin olması və onun duş otağındakıların halına nəzarət etməsi vacibdir. Tövsiyələrimiz qəribə səslənsə də çoxillik fəaliyyətimizdə və təcrübəmizdə təəssüf ki, çox sayda belə bədbəxt hadisələrin şahidi olmuşuq və bu tövsiyələrə əməl etməmənin həyatlar bahasına başa gəlməsi halları yetərincə baş vermişdir; · Evində fərdi qaydada su qızdırıcısı sistemindən istifadə edən varsa, evdəkilər tərəfindən mütəmadi olaraq duş qəbul edənin – suyun yox, məhz duş qəbul edənin səsini eşitməklə onun vəziyyətinin yoxlanılması vacibdir. Dəm qazından zəhərlənən meyxoşcasınahuşunu itirir, duş əvvəlki qaydada axan suya xas olan səsi verməklə axmaqda davam edir, zərərçəkən daha çox bu mühitdə öldürücü qazla tənəffüs edir, qanda zəhərli maddələrin miqdarı artır, krizis güclənir, təəssüflər olsun ki, ölüm hadisəsi baş verir. Zəhərlənmənin ilk anlarında hadisənin aşkarlanması, zərərçəkənin dərhal təmiz havaya çıxarılması və vəziyyətindən asılı olaraq ilkin tədbirlərin görülməsi zamanı təhlükə aradan qaldırıla bilir; · Heç bir halda mətbəx qaz plitə – sobalarından mənzilin qızdırılması üçün istifadə etməyin; · Qaz plitələrini nəzarətsiz qoymayın, üstündəki qaynayana kimi, çimim çıxım, yaxud çörək alım gəlim deyə işlək halda qaz plitəsini buraxıb mətbəxi tərk etməyin; · Mətbəx qaz plitələrinin üstündəki hava sorucu (aspirator) sistemin müstəsna əhəmiyyəti olduğunu unutmayın, hər zaman plitəni alışdırırsınızsa hava sorucunu da dərhal qoşun! Bu sizi həm qoxudan, həm ayrılan buxarlardan, ən vacibi həm də ayrılan zəhərli maddələrdən – dəm qazı tərkibli ayrıntılardan qoruyur! Hörmətli həmvətənlərimiz! Qazla, elektriklə, odla ehtiyatlı olun, məişətimizin və sivilizasiyamızın ayrılmaz tərkib hissəsinə çevrilmiş olan bu enerji daşıyıcıları onlarla düzgün rəftar etmədikdə qatilə çevrilir, amansızlıqla öldürə bilir.
" 20 yanvar " ümumxalq hüzn günü
2020-01-21
Horadiz şəhəri “Qəhrəmanlar” parkında “20 yanvar” - ümumxalq hüzn günü ilə əlaqədar tədbir keçirildi. Tədbirdə rayon rəhbərliyi, hüquq mühafizə orqanları, şəhid ailələri, ərazidə xidmət edən hərbi qulluqçular və rayon ictimaiyyətinin nümayəndələri iştirak etdi.
Səyyar qəbul keçirildi
2020-01-13
Rayon İcra Hakimiyyətinin başçısı Alı Alıyevin növbəti səyyar qəbulu 10 saylı Qayıdış qəsəbəsində keçirildi. Qəbul zamanı müraciət edən vətəndaşlar dinlənildi və qaldırılan məsələlərin həll edilməsi üçün aidiyyəti üzrə tapşırıqlar verildi.
RİH-nin təşkilatçılığı ilə tədbir keçirildi
2020-01-06
Azərbaycan Respublikası Silahlı Qüvvələri tərəfindən Horadiz qəsəbəsi daxil olmaqla rayonun 22 yaşayış məntəqəsinin ermənistan silahlı qüvvələrinin işğalından azad edilməsi günü münasibəti ilə tədbir keçirildi.
Anım tədbiri keçirildi
2019-12-12
Ümummilli Lider Heydər Əliyevin xatirəsinə həsr olunmuş anım tədbiri keçirildi. Tədbirdə rayon rəhbərliyi, Hüquq mühafizə orqanları, ictimaiyyət nümayəndələri, ərazidə xidmət edən hərbi qulluqçular iştirak etdi.
Ağacəkmə aksiyası keçirildi
2019-12-06
Mütəfəkkir şair İmadəddin Nəsiminin 650 illik yubleyi ilə əlaqədar ağacəkmə aksiyası keçiriləcək. Aksiyada 5000 ağac əkiləcək.
"Ölkəmizi tanıyaq" tur aksiyası
2019-11-18
Füzuli rayonundan “Ölkəmizi tanıyaq” tur aksiyasında iştirak edəcək məktəblilər Horadiz şəhərindən Lənkaran-Masallı-Astara istiqamətində yola salındı. Tədbirdə RİH-nin başçısı Alı Alıyev iştirak etdi.
Səyyar qəbul keçirildi
2019-10-25
Rayon İcra Hakimiyyətinin başçısı Alı Alıyevin növbəti səyyar qəbulu Babı kəndində keçirildi. Səyyar qəbulda Azərbaycan Respublikası Prezidenti Administrasiyasının məsul işçisi Əflatun Rufiyev iştirak etdi. Qəbul zamanı müraciət edən şəxslər dinlənildi və aidiyyəti üzrə tapşırıqlar verildi.
YAP Füzuli, Beyləqan, İmişli rayonlarının ərazi ilk partiya təşkilatları ilə görüş
2019-10-16
Horadiz şəhərində Azərbaycan Respublikası Baş Nazirinin müavini, Yeni Azərbaycan Partiyası Sədrinin müavini-icra katibi Əli Əhmədov Yeni Azərbaycan Partiyasının Füzuli, Beyləqan, İmişli rayonlarının ərazi ilk partiya təşkilatları ilə görüşü keçirildi. Tədbirdə Milli Məclisin sədr müavini Bahar Muradova və rayon İcra Hakimiyyətinin başçısı Alı Alıyev iştirak etdi.
Səyyar ASAN xidmət Horadiz şəhərində
2019-10-08
04 oktyabr 2019-cu il tarixdən 18 oktyabradək səyyar ASAN xidməti Horadiz şəhərində əhaliyə xidmət edəcəkdir.
Səyyar qəbul keçirildi
2019-09-30
Rayon İcra Hakimiyyətinin başçısı Alı Alıyevin növbəti səyyar qəbulu Horadiz şəhərində keçirildi. Səyyar qəbulda Azərbaycan Respublikasının Prezidenti Administrasiyasının məsul işçisi Əflatun Rufiyev iştirak etdi. Görüş zamanı müraciət edən vətəndaşlar dinlənildi və qaldırılan məsələlərin həll edilməsi üçün aidiyyəti təşkilatlara tapşırıqlar verildi.
Səyyar qəbul keçirildi
2019-09-20
Füzuli rayon İcra Hakimiyyətinin başçısı Alı Alıyev Kürdəmir rayonunda məskunlaşıb yaşayan, Füzuli rayonundan olan məcburi köçkünlərlə səyyar qəbul keçirdi. Qəbul zamanı müraciət edən şəxslər dinlənildi və aidiyyəti üzrə tapşırıqlar verildi.