Əhmədbəyli kəndində “Anım Günü” tədbiri keçirildi!
24 sentyabr 2025 | 15:55
24 sentyabr 2025-ci il tarixində Füzuli rayonu Əhmədbəyli kənd qəbiristanlığında “Anım Günü” tədbiri keçirilmişdir. Tədbirdə Füzuli Rayon İcra Hakimiyyəti başçısının Əhmədbəyli kənd inzibati ərazi dairəsi üzrə nümayəndəliyinin əməkdaşları, Əhmədbəyli kənd bələdiyyəsi, Əhmədbəyli, İkinci Mahmudlu, Qarabağ kəndlərinin tam orta məktəblərinin və Füzuli Rayon Musiqi Təmayüllü Gimnaziyanın müəllim-şagird kollektivləri, körpələr evi-uşaq bağçalarının əməkdaşları, mədəniyyət və səhiyyə işçiləri, şəhid ailələri, qazilər, kənd sakinləri və ziyalılar iştirak etmişlər.
Tədbir iştirakçıları şəhidlərimizin məzarlarını ziyarət edərək üzərinə tər güllər düzmüş, onların xatirəsini ehtiramla yad etmişlər. Daha sonra ziyalılar, şəhid ailələri və qazilər çıxış edərək qəhrəmanlarımızın şücaətindən danışmışlar. Tədbir məktəblilərin təqdim etdiyi şeir kompozisiyası ilə yekunlaşmışdır.
Keçidlər
