Füzuli RİH başçısı Alı Alıyev şəhid Tahir Nəsirovun atasının yas mərasimində iştirak etdi!
03 aprel 2025 | 14:12
Füzuli Rayon İcra Hakimiyyətinin başçısı Alı Alıyev, RİH nümayəndələri və rayon ictimaiyyəti Birinci Qarabağ Müharibəsinin şəhidi Tahir Nəsirovun atasının yas mərasimində iştirak ediblər.
Böyük Bəhmənli kəndində keçirilən yas mərasimində iştirak edən rəsmilər mərhumun ailəsinə dərin hüznlə baş sağlığı verib, ruhuna dualar oxuyaraq ehtiramlarını bildiriblər.
Dövlətin diqqət və qayğısını hər zaman yaxından hiss etdiyini vurğulayan şəhidimizin ailə üzvləri öz minnətdarlıqlarını ifadə ediblər.
Əlavə olaraq qeyd edək ki, Füzuli rayonunda ictimaiyyətin, rayon ağsaqqallarının, din xadimlərinin, ziyalıların birgə təşəbbüsünə əsasən artıq 11 ilə yaxındır ki, yas mərasimləri israfçılıqdan, təmtəraqdan uzaq və sadə şəkildə təşkil olunur. Ehsan süfrələri halva, xurma, limon, qənd, çay, su və yuxa olmaqla yeddi əsas predmetlə açılır.
Keçidlər
