Füzuli RİH başçısı Şəhid övladlarının məzun günündə iştirak etdi
15 iyun 2023 | 09:38
Vətən müharibəsi şəhidi İbrahimov Bəhruzun övladları İbrahimova Aysun Bəhruz qızı, İbrahimov Fariz Bəhruz oğlu bu gün məzun oldular. Füzuli rayon İcra Hakimiyyətinin başçısı Alı Alıyev şəhid övladlarını təbrik etmək üçün Qayıdış qəsəbə 4 № li tam orta məktəbdə keçirilən“Son zəng” tədbirində iştirak etdi. Tədbir Azərbaycan Respublikasının Dövlət Himninin səslənməsi və bütün şəhidlərin əziz xatirəsinin bir dəqiqəlik sükutla yad edilməsi ilə başlandı.Tədbirdə çıxış edən Alı Alıyev əsası Ulu Öndər Heydər Əliyev tərəfindən qoyulan dövlət təhsil siyasətinin hazırda ölkə başçısı Prezident İlham Əliyevin rəhbərliyi ilə daha da uğurla davam etdirilməsindən bəhs etdi. Şəhid ailələrinin, qazilərin və digər həssas qrupdan olan vətəndaşların hər zaman dövlətin diqqəti, qayğısı ilə əhatə olunduğunu vurğulayan Alı Alıyev məzunları təbrik etdi, müstəqil həyata qədəm qoyan gənclərə gələcək həyatlarında uğurlar qazanmağı, gündən-günə inkişaf edən ölkəmizə layiqli vətəndaş olaraq xidmət etməyi arzuladı. Şəhid övladlarını məzun olmaları münasibətilə təbrik edən rayon rəhbəri onlara hədiyyələr təqdim etdi.
Keçidlər
