Şəhid Elvin Nadirlinin ailəsi ziyarət olunaraq xatirəsi anıldı!
Füzuli RİH başçısı Alı Alıyev və Hüquq-mühafizə orqanlarının rəhbərləri anım günü münasibəti ilə 3-cü dərəcəli “Vətənə xidmətə görə” ordenli Antiterror əməliyatlarında şəhid olan Elvin Nadirlinin ailəsini ziyarət edərək, anım mərasimində iştirak etdiər.
Qeyd edək ki, Şəhid - Kiçik çavuş Nadirli Elvin Yurik oğlu 13 sentyabr 1995-ci ildə Füzuli rayonu Əhmədbəyli kəndində anadan olmuşdur. 2001-ci ildə Mirmehdi Xəzani adına musiqi təmayüllü internat tipli gimnaziyanın birinci sinfinə getmişdir. 2012-ci ildə həmin gimnaziyanın 11-ci sinfini bitirmişdir. 2012-ilin oktyabr ayında Qazax rayonunda yerləşən N saylı hərbi hissəyə həqiqi hərbi xidmətə yollanmışdır. 2014-cü ilin aprel ayında həqiqi hərbi xidməti başa vurmuşdur. 2017-ci ildə könüllü olaraq Füzuli rayonu Şükürbəyli kəndində yerləşən N saylı hərbi hissədə müddətdən artıq həqiqi hərbi qulluqçu kimi hərbi xidmətə başlamışdır. Elvin 44 günlük Vətən müharibəsində igidliklə iştirak etmiş və “Füzulinin azad olunmasına görə”, “Xocəvəndin azad olunmasına görə”, “Şuşanın azad olunmasına görə”, ”Vətən müharibəsi iştirakçısı” və "Cəsur döyüşcü" medalları ilə təltif olunmuşdur. 2022-ci il tarixdə yeni yaradılmış N saylı komanda hərbi hissəsində hərbi xidmətin davam etdirmişdir.
