Mədəniyyət

Qarabağ Regional Mədəniyyət İdarəsinin Füzuli rayon Mədəniyyət müəssisələri  üzrə ümumilikdə 94 müəssisə fəaliyyət göstərir. 16  Mədəniyyət evi, 8 klub, 7 klub müəssisəsi olmaqla 31 müəssisə, 1 Mərkəzi kitabxana və 45 kitabxana filialı, 12 uşaq musiqi və incəsənət məktəbi və 1 filialı, 2 muzey , 1 muzey filialı və 1 Heydər Əliyev Mərkəzi fəaliyyət göstərir.

       Adları göstərilən  mədəniyyət müəssisələri   dövrə, zamana uyğun olaraq ədəbi-bədii gecələr, kompozisiyalar və konsert proqramları ilə həm əhali qarşısında , həm də, təmas xəttində yerləşən hərbi hissələrdə maraqlı çıxışlar etmişdir. Onlardan “Zəfərə doğru”, “Əbədi yaşar Lider”, “Heydər Əliyev-100”, “Elimizə Novruz gəlir”,   “Musiqiyə bağlı ömür”, “Azərbaycan sevgisi”, “Uşaqlar bizim gələcəyimizdir”, ”Ana dilim doğma dilim” “Müzəffər Ordumuz”, “Zəngin mədəniyyətimizin böyük himayədarı”, ”Ulu Öndərin musiqi sevgisi”, və s.adlı rəngarəng proqramları göstərmək olar.

       Bunlarla yanaşı  Azərbaycan xalqının Ulu Öndəri Heydər Əliyevin 100 illiyinə həsr olunmuş Uşaq İncəsənət  festivalında  Füzuli rayon mədəniyyət müəssisələrinin dərnək üzvləri, uşaq incəsənət və musiqi məktəblərinin şagirdləri böyük həvəslə iştirak etmişdir. Festivalın final mərhələsində Horadiz şəhər uşaq musiqi məktəbinin şagirdi “Xalq çalğı alətləri ifaçılığı” nominasiyası üzrə həvəskar kateqoriyasında I yerə çıxmışdır.

       Yay mövsümündə  Füzuli rayon İcra Hakimiyyətinin təşəbbüsü ilə hər həftənin  bazar günləri  rayonun müxtəlif kənd və qəsəbələrində  əhalinin asudə vatının səmərəli təşkili məqsədilə  konsert proqramları təşkil edilir. Rayon Mədəniyyət evinin nəzdində   fəaliyyət göstərən “Qarabağ Ocağı”  xalq folklor ansamblının  üzvləri  bayram günlərində N saylı hərbi hissələrdə düşmənlə üzbəüz dayanan hərbiçilər qarşısında çıxışlar edir.
       Rayon Mədəniyyət evinin nəznində  Xalq Teatrı da fəaliyyət göstərir. Xalq teatrının bədii özfəaliyyət kollektivinin üzvləri  klassik dramaturqlardan  Cəlil Məmmədquluzadənin, N.B.Vəzirovun, C.Cabbarlının, müasir dramaturqlardan Xalq yazıçısı İ.Əfəndiyevin , Anarın, İ.Məlikzadənin və s. əsərlərinə səhnə həyatı verilmişdir.

       Görülmüş tədbirlər Azərbaycan  Dövlət televiziyası və  digər yerli televiziya kanalları  vasitəsi ilə işıqlandırılmışdır. Mədəniyyət, Bütöv Azərbaycan , Ədalət qəzetlərində dərc olunaraq ictimaiyyətə çatdırılmışdır.    

       Bala Bəhmənli kənd mədəniyyət evinin “Bənövşə” rəqs qrupu, Babı kənd mədəniyyət evinin “Səma” rəqs qrupu, Kərimbəyli kənd mədəniyyət evinin “Lalələr” rəqs qrupu, Böyük Bəhmənli kənd mədəniyyət evinin “Qəmərim” rəqs qrupu, eləcə də kənd mədəniyyət evləri və klubların bədii qiraət, rəsm, musiqi dərnəklərinin bədii özfəaliyyət kollektivlərinin üzvləri keçirilən bütün tədbirlərdə yaxından iştirak edirlər.